ბათუმის საბავშვო ბაღებში ახალი სასწავლო-სააღმზრდელო წელი დაიწყო

---

სააღმზრდელო პროცესის დაწყებასთან დაკავშირებით, ა(ა)იპ „ბათუმის საბავშვო ბაღების გაერთიანების“ დირექტორი სკოლამდელი აღზრდის დაწესებულებებს ესტუმრა და აღსაზრდელებს, მათ მშობლებსა და ბაღების თანამშრომლებს ახალი წლის დაწყება მიულოცა. საბავშვო ბაღებში ბავშვებს სასწავლო-სააღმზრდელო პროცესის განახლების პირველივე დღეებიდან შესაბამისი გარემო, მრავალფეროვანი საგანმანათლებლო და შემოქმედებითი აქტივობები დახვდათ.

ახალი სასწავლო-სააღმზრდელო წლის განმავლობაში ბათუმის საბავშვო ბაღებში გაგრძელდება ბავშვზე ორიენტირებული სააღმზრდელო მიდგომების დანერგვა და განვითარება. დაწესებულებები აქტიურად ითანამშრომლებენ მშობლებთან, რათა თითოეული ბავშვის საჭიროებები მაქსიმალურად იყოს გათვალისწინებული.