29.04.2025
აქტიურ რეჟიმში მიმდინარეობს რუსთაველის ქუჩის სარეაბილიტაციო სამუშაოები
„აქტიურ რეჟიმში მიმდინარეობს რუსთაველის ქუჩის სარეაბილიტაციო სამუშაოები. საგზაო ინფრასტრუქტურასთან ერთად, სრულად განახლდება სანიაღვრე და ენერგოინფრასტრუქტურა.
დღეს პროექტის მიმდინარეობა აჭარის მთავრობის თავმჯდომარესთან სულხან თამაზაშვილთან ერთად დავათვალიერეთ. სამუშაოები, რომელსაც რამდენიმე კომპანია ინტენსიური დატვირთვით ახორციელებს, საზღვაო ტურისტულ სეზონამდე დასრულდება.
მიმდინარე სამუშაოებით გამოწვეული შეფერხებების გამო, ტრანსპორტი გადასულია მოძრაობის განსაკუთრებულ რეჟიმზე. ბოდიშს ვუხდით ჩვენს მოქალაქეებს დისკომფორტისათვის“ - ბათუმის მერი არჩილ ჩიქოვანი.
ვიდეორგოლი
