28.06.2025
ბათუმის „სასკოლო ლიგა 2025“ დასრულდა
ბათუმის „სასკოლო ლიგა 2025“ დასრულდა.
ტურნირი ორი თვის განმავლობაში მიმდინარეობდა და სპორტის 5 სახეობას მოიცავდა - მინი-ფეხბურთს, თაგ რაგბის, ტექბოლს, ქვიშის ფრენბურთსა და 3X3 კალათბურთს.
სასკოლო ლიგა ბათუმში უკვე მეოთხედ ჩატარდა და წელს სპორტულ აქტივობებში 500-მდე სკოლის მოსწავლე მონაწილეობდა.
სასკოლო ლიგა მინი-ფეხბურთის ფინალური შეხვედრებით დასრულდა.
ტურნირის ორგანიზატორია სპორტის მართვის მეთოდოლოგიისა და ტექნოლოგიების ასოციაცია, ხოლო მხარდამჭერები - ბათუმის მერია და ბათუმის სპორტული ცენტრი.
