ბათუმის შოთა რუსთაველის სახელმწიფო უნივერსიტეტში კურსდამთავრებულთა საზეიმო ღონისძიება გაიმართა
ბათუმის შოთა რუსთაველის სახელმწიფო უნივერსიტეტში კურსდამთავრებულთა საზეიმო ღონისძიება გაიმართა.
კურსდამთავრებულებს ბათუმის მერის მოვალეობის შემსრულებელმა გიორგი მურვანიძემ სწავლის დასრულება მიულოცა და წარმატებები უსურვა.
„ჩემო ძვირფასებო, გილოცავთ უნივერსიტეტის დასრულებას. დღევანდელი დღის საზეიმოდ აღნიშვნა სწორედ თქვენი გარჯისა და შრომის აღიარება და ხაზგასმაა. დარწმუნებული ვარ, სადაც არ უნდა იყოთ, ამ უნივერსიტეტის კედლებში მიღებულ ცოდნასა და გამოცდილებას თქვენი ქვეყნის ინტერესებს მოახმართ. მადლობა მინდა გადავუხადო პროფესორ-მასწავლებლებს, რომლებსაც უმნიშვნელოვანესი წვლილი აქვთ შეტანილი თქვენი ცოდნისა და განათლების მიღებაში. კიდევ ერთხელ გილოცავთ და წარმატებებს გისურვებთ თითოეულ თქვენგანს“, - აღნიშნა ბათუმის მერის მოვალეობის შემსრულებელმა გიორგი მურვანიძემ.
ღონისძიებაზე მთავრობისა და უმაღლესი საბჭოს წარმომადგენლებმა წარჩინებული კურსდამთავრებულები სიგელებით დააჯილდოვეს.
