ბათუმში ექსპერტიზის დღისადმი მიძღვნილი კვირეულის ფარგლებში საზეიმო ღონისძიება გაიმართა
ბათუმში ექსპერტიზის დღისადმი მიძღვნილი კვირეულის ფარგლებში საზეიმო ღონისძიება გაიმართა, რომელსაც ბათუმის მერი გიორგი ცინცაძე აჭარის ავტონომიური რესპუბლიკის უმაღლესი საბჭოს თავმჯდომარესთან ცოტნე ანანიძესთან და რეგიონის მინისტრთა კაბინეტის წევრებთან ერთად დაესწრო.
სტუმრებს სიტყვით მიმართა ბიუროს უფროსმა გიორგი მურვანიძემ და ყურადღება გაამახვილა სისტემის ინსტიტუციურ გაძლიერებაზე, განხორციელებულ რეფორმებსა და სამომავლო გეგმებზე.
ექსპერტიზის დღე მიულოცა აჭარის ავტონომიური რესპუბლიკის უმაღლესი საბჭოს თავმჯდომარემ ცოტნე ანანიძემ, რომელმაც ხაზი გაუსვა ბიუროს საქმიანობისა და ექსპერტთა პროფესიული საქმიანობის მნიშვნელობას ქვეყნისა და რეგიონის განვითარების პროცესში.
ღონისძიების ფარგლებში ბიუროს უფროსმა დააჯილდოვა დასავლეთ საქართველოსა და აჭარის რეგიონული ექსპერტიზის დეპარტამენტების წლის საუკეთესო თანამშრომლები, რომლებმაც განსაკუთრებული წვლილი შეიტანეს ბიუროს განვითარებაში.
