ბათუმში ქვაფენილიანი ქუჩების რეაბილიტაცია გრძელდება

---

ბათუმში ქვაფენილიანი ქუჩების რეაბილიტაცია გრძელდება.

მიმდინარე სამუშაოები ბათუმის მერმა გიორგი ცინცაძემ დაათვალიერა.

სანიაღვრე სისტემის სრული რეაბილიტაცია და ქვაფენილის ასფალტის საფარით ჩანაცვლება უკვე დასრულდა ლუკა ასათიანის ქუჩაზე, გორგილაძის ქუჩიდან მემედ აბაშიძის ქუჩამდე მონაკვეთში, ასევე, მარჯანიშვილის ქუჩაზე. აღნიშნულ მონაკვეთებზე სატრანსპორტო მოძრაობა სრულად აღდგენილია.

ამ ეტაპზე სანიაღვრე სისტემის რეაბილიტაცია მიმდინარეობს ვაჟა-ფშაველას ქუჩაზე, გორგილაძის ქუჩიდან მემედ აბაშიძის ქუჩამდე მონაკვეთში. სამუშაოების დასრულების შემდეგ პროექტი სხვა ქუჩებზე გადაინაცვლებს.

პროექტის ფარგლებში ჯამში 16 ქუჩისა და მონაკვეთის რეაბილიტაციაა დაგეგმილი.