18.07.2025
ბათუმში ქვიშის ფეხბურთის ევროპის ლიგის A დივიზიონის მატჩები დაიწყო
ბათუმში ქვიშის ფეხბურთის ევროპის ლიგის A დივიზიონის მატჩები დაიწყო. ტურნირში საქართველოსთან ერთად კიდევ შვიდი ქვეყნის ეროვნული ნაკრები მონაწილეობს.
ღონისძიება დღეს ოფიციალურად გაიხსნა. ჩემპიონატის მონაწილეებსა და გულშემატკივრებს ბათუმის მერის მოვალეობის შემსრულებელი გიორგი მურვანიძე მიესალმა. მან ყურადღება გაამახვილა ქალაქის სპორტულ მიღწევებზე და იმ ინფრასტრუქტურულ პროექტებზე, რომლებიც ბათუმში სპორტის განვითარების მხარდასაჭერად ხორციელდება.
საქართველოს ნაკრებმა ტურნირი წარმატებით დაიწყო და გახსნით მატჩში დამაჯერებელი გამარჯვება მოიპოვა.
