დასაქმების ფორუმი ბათუმის სახელმწიფო საზღვაო აკადემიის ორგანიზებით
„დღეს, ბათუმის სახელმწიფო საზღვაო აკადემიის ორგანიზებით გამართულ დასაქმების ფორუმს დავესწარი.
დღევანდელი ღონისძიება ძალიან მნიშვნელოვანია ჩვენი აკადემიის სტუდენტებისათვის, მათი შესაძლებლობების წარმოჩენისა და კარიერის სწორად დაგეგმვისათვის.
მსგავსი აქტივობები, რომელიც საზღვაო სფეროს საგანმანათლებლო თუ ლოჯისტიკური მიმართულებებით განვითარებას უწყობს ხელს, მხარდაჭერილი იქნება როგორც ბათუმის მუნიციპალიტეტის, ასევე აჭარის მთავრობის მიერ.
მოგეხსენებათ, ბათუმი ისტორიულად ცნობილია როგორც მნიშვნელოვანი საზღვაო ცენტრი. ჩვენი ქალაქის განვითარება მჭიდროდ არის დაკავშირებული საზღვაო ინდუსტრიასთან, ჩვენი აკადემია და სტუდენტები კი, ამ ტრადიციას ღირსეულად განაგრძობენ.
აღსანიშნავია, რომ დამსაქმებელთა ინტერესი ჩვენი სტუდენტების მიმართ წლიდან წლამდე იზრდება როგორც ადგილობრივ, ასევე საერთაშორისო ბაზარზე. ეს ტენდენცია მიუთითებს იმაზე, რომ აკადემია წარმატებით ამზადებს მაღალკვალიფიციურ სპეციალისტებს. ბათუმის სახელმწიფო საზღვაო აკადემია ჩვენი ქალაქისათვის არის ერთგვარი ნიშაც და ფუფუნებაც და, რა თქმა უნდა, ჩვენი ქალაქის სამარკო ნიშანი, რისთვისაც მადლობა მინდა გადავუხადო მათ“ - ბათუმის მერი არჩილ ჩიქოვანი.
