გიორგი მურვანიძე მეხანძრე-მაშველებს შეხვდა
ბათუმის მერის მოვალეობის შემსრულებელი გიორგი მურვანიძე შინაგან საქმეთა სამინისტროს საგანგებო სიტუაციების მართვის სამსახურში მეხანძრე-მაშველებს შეხვდა.
შეხვედრისას მან ყურადღება გაამახვილა მეხანძრე-მაშველების განსაკუთრებულ როლზე საზოგადოების უსაფრთხოების დაცვის მიმართულებით და მადლობა გადაუხადა მათ სიმამაცისა და თავდადებისთვის, რასაც ისინი ყოველდღიურად იჩენენ.
გიორგი მურვანიძემ საგანგებო სიტუაციების მართვის სამსახურის სახანძრო-სამაშველო ძალების დეპარტამენტის უფროსის მოადგილესთან ლაშა თვაურთან და აჭარის ავტონომიური რესპუბლიკის საგანგებო სიტუაციების მართვის მთავარი სამმართველოს უფროსთან რომან ქამადაძესთან ერთად სპეციალური ტექნიკა და აღჭურვილობა დაათვალიერა და სამმართველოს სამუშაო სპეციფიკას გაეცნო.
შეხვედრის ბოლოს გიორგი მურვანიძემ წარმატებები უსურვა თითოეულ მათგანს იმ უმნიშვნელოვანესი მისიის შესრულებაში, რომელსაც ადამიანების სიცოცხლისა და კეთილდღეობის დაცვა ჰქვია.
