კონფერენცია აჭარის რეგიონის ადრეული და სკოლამდელი აღზრდისა და განათლების ხარისხის გაუმჯობესება.
2025 წლის 16-17 ივლისს, ა(ა)იპ „ბათუმის საბავშვო ბაღების გაერთიანების“ ორგანიზებით, გაიმართა მნიშვნელოვანი სამუშაო შეხვედრა, რომელიც მიეძღვნა აჭარის რეგიონის ადრეული და სკოლამდელი აღზრდისა და განათლების ხარისხის გაუმჯობესებას.
ღონისძიებაში მონაწილეობა მიიღეს მუნიციპალიტეტების, ადრეული და სკოლამდელი აღზრდის დაწესებულებების გაერთიანებებისა და სახელმწიფო სტრუქტურების წარმომადგენლებმა.
შეხვედრა გახსნა ბათუმის საბავშვო ბაღების გაერთიანების დირექტორმა ბატონმა დავით დიასამიძემ.
მოწვეულ სტუმრებს შორის იყვნენ:
• ნინო ხითარიშვილი – ადრეული და სკოლამდელი აღზრდისა და განათლების ხარისხის უზრუნველყოფის სამსახურის უფროსი
• მარიამ გოგინაშვილი – სამსახურის მოადგილე
შეხვედრის მთავარი თემა იყო მუნიციპალიტეტებისა და სახელმწიფოს როლი და ჩართულობა სკოლამდელი განათლების ავტორიზაციის პროცესში.
შეხვედრის მიზანს წარმოადგენდა:
• ავტორიზაციის პროცესების ეფექტიანად განხორციელების ხელშეწყობა
• მუნიციპალიტეტების მხარდაჭერის გზების განსაზღვრა
• სკოლამდელი განათლების ხარისხის სტანდარტების შემუშავება
აღნიშნული ღონისძიება დიალოგისა და თანამშრომლობის პლატფორმას წარმოადგენს, რაც უწყებებსა და ორგანიზაციებს შესაძლებლობას აძლევს, კოორდინირებულად იმუშაონ ადრეული განათლების სფეროში არსებული გამოწვევების დასაძლევად.
