ქალაქში მიმდინარე ინფრასტრუქტურული სამუშაოები
შავშეთის ქუჩის რეაბილიტაციის ფარგლებში, სანიაღვრე არხის მოწყობა მიმდინარეობს.
ნობელების ქ. #41-ში სკვერის მშენებლობა გრძელდება. ხორციელდება ბორდიურების მონტაჟი და გამწვანების საფარისათვის მიწის შეტანა.
მ. ვარშანიძის ქუჩაზე მიმდინარეობს სანიაღვრე ჭებისა და მილების მოწყობა, ასევე დეკორატიული ფილების დაგება.
ფიროსმანის ქუჩის #5-ში ბორდიურების მონტაჟი გრძელდება.
დაზიანებული ქვაფენილის, ტროტუარის ფილებისა და ბოძკინტების აღდგენა ქალაქის მასშტაბით რამდენიმე მისამართზე ხორციელდება.
საბავშვო ატრაქციონის რეკონსტრუქცია ჩატარდა რურუას ქ. #11-ში.
დასრულდა სახურავების რეაბილიტაცია ნონეშვილის ქ. #50-სა და სახოკიას ქ. #16-ში.
კაუჩუკის საფარის დაგება მიმდინარეობს ლერმონტოვის ქ. #106-ში მდებარე საბავშვო მოედანზე.
წყალშემკრები ღარებისა და წყალსაწრეტი მილების შეკეთება განხორციელდა ტაბიძის, გენ. ა. აბაშიძის, კ. გამსახურდიას, აბუსერიძისა და რუსთაველის ქუჩებზე.
სანიაღვრე ჭებისა და ცხაურების გაწმენდითი სამუშაოები მიმდინარეობს წერეთლის, ბერიძის, შარტავას, ფიროსმანის, შ. ხიმშიაშვილის, ლუკა ასათიანის, ვაჟა-ფშაველას, ოძელაშვილის, ჩხაიძის, იოსელიანისა და ლერმონტოვის ქუჩებზე.
იმედაშვილის ქუჩაზე სანიაღვრე ქსელის რეცხვა დასრულდა.
გასულ თვეში 850000-ამდე კვმ მწვანე საფარი გაიცელა. გაცელვითი სამუშაოები 20-ამდე ლოკაციაზე ხორციელდება.
ყოველდღიურ რეჟიმში მიმდინარეობს ნაგავშემკრები კონტეინერებისა და სამედიცინო დაწესებულებებში არსებული ურნების რეცხვის, დეზინფექციისა და დეზინსექციის სამუშაოები.
