რაგბის კავშირის აჭარის ფილიალის მიერ განხორციელებული საქმიანობისა და სამომავლო პროექტების პრეზენტაცია
ბათუმის მერი გიორგი ცინცაძე საქართველოს რაგბის კავშირის აჭარის ფილიალის მიერ გამართულ შეხვედრას დაესწრო, სადაც განხორციელებული საქმიანობისა და სამომავლო პროექტების შესახებ ისაუბრეს.
პრეზენტაცია საქართველოს რაგბის კავშირის აჭარის ფილიალის ხელმძღვანელმა ილია ვერძაძემ წარადგინა.
აჭარის ფილიალი საქართველოს რაგბის კავშირთან მჭიდრო კოორდინაციით მიზნად ისახავს რეგიონში რაგბის განვითარების ხელშეწყობას. პრიორიტეტებს შორისაა ბავშვთა რაგბის პოპულარიზაცია, სამსაჯო და სამწვრთნელო კადრების გადამზადება და შესაბამისი ინფრასტრუქტურული პროექტების განხორციელება.
შეხვედრას ასევე ესწრებოდნენ საქართველოს პარლამენტის წევრი, საქართველოს რაგბის კავშირის პრეზიდენტი დავით კაჭარავა, აჭარის განათლებისა და სპორტის მინისტრი მაია ხაჯიშვილი, ბათუმის საკრებულოს თავმჯდომარე ივანე მაისურაძე და ადგილობრივი თვითმმართველობის წარმომადგენლები.
