შესრულებული სამუშაოების 1 კვირა

---

მიმდინარე კვირაში გამწვანების სამსახურის მიერ ქალაქის ტერიტორიაზე განხორციელდა შემდეგი სახის სამუშაოები: 

გამსახურდიას, რუსთაველის, გოგებაშვილის, ბაგრატიონის, ინასარიძის, კობალაძის, გრიბოედოვის, ჭავჭავაძის, ბრწყინვალის, ორბელიანის, ლერმონტოვის, აღმაშენებლის, რურუას, გორგილაძის, ქათამაძისა და ნონეშვილის ქუჩებზე მოწესრიგდა მწვანე სივრცეები და სკვერები. 

10-მდე მისამართზე ჩატარდა ხე-მცენარეების დეკორატიული გასხვლა-ფორმირების სამუშაოები, ხოლო ფრიდონ ხალვაშის გამზირზე გადაიბელა ხეები.

40-მდე მისამართზე გაიცელა მრავალბინიანი საცხოვრებელი სახლების ეზოები, ტროტუარები და გზაგამყოფები.

გამწვანების სამსახური ქალაქის მწვანე სივრცეების მოვლა-პატრონობის და განახლების სამუშაოებს ყოველდღიურად აგრძელებს.