სომხური სამოციქულო ეკლესია მაცხოვრის შობასა და ნათლისღებას აღნიშნავს

---

დღეს სომხური სამოციქულო ეკლესია მაცხოვრის შობასა და ნათლისღებას აღნიშნავს.

ბათუმის მერი გიორგი ცინცაძე აჭარის მთავრობის თავმჯდომარესთან, სულხან თამაზაშვილთან ერთად, ბათუმის სომხურ სამოციქულო ტაძარში სადღესასწაულო წირვას დაესწრო.

„ვულოცავ სომხური სამოციქულო ეკლესიის მრევლს შობისა და ნათლისღების ბრწყინვალე დღესასწაულს, განსაკუთრებით კი, ბათუმში მცხოვრებ ჩვენს სომეხ თანაქალაქელებს. ეს დღე სიყვარულისა და სულიერი განახლების სიმბოლოა. გისურვებთ მშვიდობასა და კეთილდღეობას“ - განაცხადა ბათუმის მერმა გიორგი ცინცაძემ.